Մերկել. Patriot համակրգերը Թուրքիա ուղարկելը պաշտպանական բնույթ է կրում
Patriot համակրգերը թուրք-սիրիական սահման ուղարկելը Սիրիայի վրա հարձակվելու նախապատրաստության ապացույց չէ: Այս մասին հայտարարել է ԳՖՀ կանցլեր Անգելա Մերկելը:
«Սա պաշտպանական առաքելություն է, խոսքը հարձակման մասին չէ»,-ընդգծել է Մերկելը, նշելով, որ Բեռլինը ՆԱՏՕ-ի շրջանակներում Թուրքիայի հանդեպ իր գործընկերոջ պարտականություններն է կատարում:
Թուրքիան նոյեմբերի երկրորդ կեսին դիմել էր ՆԱՏՕ-ին` խնդրելով Սիրիայի հետ սահմանին տեղակայել Patriot համակրգերը` ելնելով անվտանգության նկատառումներից: Այս մասին հաղորդում է Ռոսբալթը:
