ՀՀԿ-ն մեղավոր չէ, որ ԲՀԿ-ն չի ուզում մասնակցել նախագահական ընտրություններին: Այսօր լրագրողների հետ հանդիպման ժամանակ նման հայտարարություն արեց ԱԺ ՀՀԿ խմբակցության պատգամավոր Մանվել Բադեյանը: «Ինչո՞ւ եք անպայման ուզում, որ Գագիկ Ծառուկյանն առաջադրվի: Մարդը չի ուզում և վերջ: Դա նրանց կուսակցության որոշումն է և որևէ մեկը չի կարող պարտադրել այդ որոշումը»,- ասաց Մանվել Բադեյանը: Ասուլիսին ներկա էր նաև ԲՀԿ-ական պատգամավոր Լյովա Խաչատրյանը, ով նախագահական ընտրությունների վերաբերյալ ԲՀԿ հայտարարությանը ոչինչ ավելացնել չցանկացավ:
Անդրադառնալով հարցին, թե ո՞ւմ կգնան ԲՀԿ ձայները, Լյովա Խաչատրայնն ասաց. «Ձայնը չեն նվիրում, ընտրողները իրենք կկատարեն իրենց ընտրությունը: Չեմ կարծում, որ ձայները սեփականաշնորհված են ու կարող են ուղղորդվել ինչպես ցանկանան»:
