Ռուսաստանն ու Եվրամիությունը կոչ են անում Պաղեստինին կառուցողական կերպով օգտագործել ՄԱԿ-ում դիտորդի նոր կարգավիճակը և չձեռնարկել այնպիսի քայլեր, որոնք կարող են խորացնել տարաձայնություններն Իսրայելի հետ և էլ ավելի դժվարացնել բանակցային գործընթացը: Այդ մասին ասվում է ՌԴ ԱԳ նախարար Սերգեյ Լավրովի ու ԵՄ արտաքին գործերի ու անվտանգության գծով ներկայացուցիչ Քեթրին Էշթնի համատեղ հայտարարության մեջ:
Մի շարք նոր իրավունքների հետ մեկտեղ Պաղեստինը կարող է Իսրայելի դեմ բողոքով դիմել Հաագայի Միջազգային դատարան: «ՌԴ-ն ու ԵՄ-ն չեն ճանաչում սահմանային փոփոխությունները մինչ 1967թ., այդ թվում Երուսաղեմի հարցում, բացի այն փոփոխություններից, որ կստանան երկու կողմերի հավանությունը»,-ասվում է հայտարարության մեջ:
Մոսկվան ու Բրյուսելը նաև մտահոգված են Հորդանանի Արևմտյան ափին նոր բնակավայրերի կառուցման Իսրայելի մտադրությամբ:
