ՀՖՖ գրասենյակում տեղի է ունեցել Հայաստանի ֆուտզալի 2011-2012 մրցաշրջանի առաջնության մրցանակակիրների պարգևատրման հանդիսավոր արարողությունը:
Ոսկե մեդալները և չեմպիոնական գավաթը հանձնվել են Երևանի «Շահումյան» թիմի ֆուտբոլիստներին: Արծաթե մեդալներին են արժանացել «Հրազդան», իսկ բրոնզե մեդալներին՝ «Գյումրի» թիմերի ֆուտբոլիստները:
Առաջնության լավագույն ռմբարկուի մրցանակը հանձնվել է «Հրազդան» թիմի ֆուտբոլիստ Վահան Սարգսյանին: Լավագույն ֆուտբոլիստի մրցանակը ստացել է «Շահումյան» թիմի խաղացող Գրիգոր Կապուկրանյանը: