Լրագրողների հետ հանդիպման ժամանակ պատմաբան Գևորգ Մելքոնյանը անդադարձավ ՀԱՊԿ խորհրդաժողովի շրջանակներում ՀՀ նախագահ Սերժ Սարգսյանի հայտարարությանը:
Ըստ պատմաբանի, Սարգսյանի մեսիջը տեղին էր ու ճիշտ. «Հայաստանը ՀԱՊԿ անդամ է, և այդ ռազմաքաղաքական միավորման երկրները պարտավոր են պաշտպանել Հայաստանի շահերը: Իսկ հոկտեմբերին կայացած ՄԱԿ-ի նիստի ժամանակ ՀԱՊԿ անդամները փորձում էին աջակցել Ադրբեջանին, իսկ վերջինս էլ բոյկոտում էր Հայաստանի մասնակցությունը»:
Նա նաև ավելացրեց, որ Հայաստանը պետք է իր դաշնակիցներից պահանջի ոչ թե չեզոքություն, այլ «պետք է անի այնպես, որ այդ երկրները միջազգային ասպարեզում բացահայտ կանգնեն Հայաստանի կողքին»:
Պատմաբանի կարծիքով, ՀԱՊԿ-ն իր անդամ երկրներից որևէ մեկի վրա արտաքին ագրեսիայի և տարածքային ամբողջականության խախտման դեպքում պարտավոր է օգնել:
«Եվ սա ևս զսպում է Ադրբեջանի նկրտումները»,- ասաց նա:
Մելքոնյանն ընդգծեց նաև, որ ՀԱՊԿ կառույցը պետք է ինչպես ռազմական, այնպես էլ տնտեսական և քաղաքական օգնություն ցույց տա Հայաստանին: