Ռուսաստանը Սիրիային սպառազինություն չի մատակարարում: Այս մասին հայտարարել է ՌԴ պաշտպանության փոխնախարար Անատոլի Անտոնովը, հաղորդում է Ռոսբալթը:
Նա ընդգծել է, որ Ռուսաստանն այս ոլորտում միջազգային պայմանավորվածություններ չի խախտում:
Դեկտեմբերի 24-ին The Guardian պարբերականը հոդված է հրապարակել, որում ասվում է, որ Ռուսաստանը նախագահ Բաշար Ասադի ռեժիմին սպառազինություն է տրամադրում հակամարտության հենց ամենասկզբից:
Սիրիայում հակամարտությունը շարունակվում է 2011թ մարտից: Այս ընթացքում, ըստ տարբեր աղբյուրների, երկրում զոհերի թիվը հասել է 40 հազարի: