Այսօր գիշերը ժամը 2:44-ին հերթական երկրաշարժն է տեղի ունեցել Վրաստանի ափերի մոտ: Ինչպես հայտնում է «Թրենդը», Վրաստանի սեյսմիկ մոնիտորինգի ծառայության վրա հղումով, 5,5 մագնիտուդով ցնցումները գրանցվել են Վրաստանի սևծովյան ափից 40 կմ հեռավորության վրա:
11 րոպե անց երկրաշարժը կրկնվել է, այս անգամ 5,0 մագնիտուդով:
Երկրաշարժը զգացվել է Վրաստանի սևծովյան բոլոր բնակավայրերում, ահաբեկված բնակիչները գիշերել են փողոցում:
Զոհերի և ավերածությունների մասին չի հաղորդվում:
Առաջին ստորգետնյա ցնցումները Վրաստանի ափերից 31 կմ հեռավորության վրա տեղի ունեցան կիրակի օրը՝ 5,9 մագնիտուդով: Վնասվեց մոտ 100 տուն: