ԵԱՀԿ Խորհրդարանական վեհաժողովի ամառային նստաշրջանի ընթացքում, որն առաջին անգամ անցկացվելու է Վաշինգթոնում, ներկայացվելու է Լեռնային Ղարաբաղի վերաբերյալ Հորան Լենմարկերի պատրաստած զեկույցը: Նստաշրջանի աշխատանքներին մասնակցելու նպատակով Վաշինգտոն է մեկնում նաեւ Ադրբեջանի պատվիրակությունը` Միլի մեջլիսի տնտեսական հարցերով հանձնաժողովի նախագահ Սաթար Սաֆարովի գլխավորությամբ: «Լենմարկերի զեկույցի որոշ դրույթներ մեզ չեն բավարարում, մենք պնդելու ենք, որ Հայաստանը զեկույցում նշվի որպես ագրեսոր»,- հայտարարել է Սաֆարովը, տեղեկացնում է «Երկիր» թերթը: