Թառը երբեք չի եղել և չի կարող լինել ադրբեջանական գործիք: Այս մասին մամուլի ասուլիսի ժամանակ ասաց Դանիել երաժիշտը, մեկնաբանելով ՅՈՒՆԵՍԿՕ-ի որոշումը` թառը ադրբեջանական գործիք հայտարարելու վերաբերյալ:
«Տկզար» համույթի հիմնադիր Կառլեն Միրզոյանը նշեց, որ այն հայկակական համարվելու բոլոր հիմքերը Հայաստանն ունի: Ըստ արվեստագետի՝ թառը միակ կսմիթային լարային գործիքն է, որն ունի քառորդ լադ: Դրանք ուսումնասիրել է Կոմիտասը, նույնիսկ հատուկ նշան է հորինել:
Դանիել երաժիշտը նաև նշեց, որ թառ պատրաստելու համար անհրաժեշտ է թթենի տնկել, ինչը չէր կարող անել քոչվոր ցեղը:
Հիշեցնենք, որ դեկտեմբերի 3-7-ը ՅՈՒՆԵՍԿՕ-ի գլխամասային գրասենյակում` Փարիզում, տեղի էր ունեցել ոչ նյութական մշակույթի պահպանմանը նվիրված միջկառավարական կոմիտեի 7-րդ նիստը: Հայաստանից ոչ նյութական մշակույթի ժառանգության ցուցակում ընդգրկվել է «Սասնա ծռեր» էպոսը, Ադրբեջանից` թառը:
ՅՈՒՆԵՍԿՕ-ի անդամ երկրները քննարկումների ժամանակ նշել էին, որ այն չի կարող ճանաչվել որպես մեկ երկրի մշակութային ժառանգություն: Այդ պատճառով էլ, այն ընդունվել է բաց հայտով, որին կարող են հավակնել նաև այլ երկրները:
