Վենեսուելայի նախագահ Ուգո Չավեսը, որը բուժվում է Հավանայում, նախօրեին շնորհավորել է երկրի զինված ուժերին գալիք Նոր տարվա առթիվ և հայտարարել է, որ մտադիր է հետագայում ևս ծառայել Վենեսուելայի ժողովրդին, անկախ առողջական խնդիրներից:
Պետության ղեկավարը շնորհավորական ուղերձի մեջ ասել է, որ լիովին վստահում է զինված ուժերին և շնորհակալ է ժողովրդին իր առողջության համար աղոթելու համար:
Վենեսուելայում վերջին օրերին ակտիվ քննարկվում է հունվարի 10-ը, երբ կայանալու է Չավեսի երդմնակալության արարողությունը: Մի շարք փորձագետների կարծիքով, Չավեսը չի հասնցի մինչ այդ վերադառնալ Կուբայից, որտեղ բուժում է անցնում: Նա տարել է արդեն չորրորդ վիրահատությունը: Չի բացառվում, որ արարողությունը կարող է հետաձգվել և նույնիսկ տեղի ունենալ Հավանայում Վենեսուելայի դեսպանատանը, հայտնում է «ՌԻԱ Նովոստի» գործակալությունը:
