Պակիստանի հարավում ավտոբուսի պայթյունի արդյունքում զոհվել է առնվազն 5 մարդ, ևս 40-ը վիրավորվել են, փոխանցում են ՌԻԱ Նովոստին` հղելով Press TV հեռուստաալիքին:
Geo TV հեռուստաալիքը հրապարակել է կադրեր դեպքի վայրից, որտեղ երևում է, որ ավտոբուսը ամբողջովին ոչնչացվել է: Ոչ մի ահաբեկչական կազմակերպություն առայժմ իր վրա չի վերցրել պայթյունի համար պատասխանատվությունը:
Վերջերս պակիստանցի թալիբները և սունի ծայրահեղականները հաճախակիորեն ահաբեկչություններ են իրականացնում Պակիստանի տարածքում, դրանց արդյունքում վերջին տարիների ընթացքում զոհվել են հարյուրավոր մարդիկ: