2020-ի ամառային Օլիմպիական խաղերի անցկացման թեկնածուները` Ստամբուլը, Մադրիդը և Տոկիոն, նախօրեին Միջազգային օլիմպիական կոմիտեում ներկայացրել են իրենց հայտավորման գրքերը:
Մարտին ՄՕԿ գնահատման հանձնաժողովը կայցելի հավակնորդ-քաղաքներ: Հուլիսին տեսչական ուղևորությունների արդյունքները կներկայացվեն Լոզանում, որտեղ գտնվում է հանձնաժողովի կենտրոնակայանը: Վերջնական ընտրությունը կկատարվի 2013-ի սեպտեմբերի 7-ին Բուենոս Այրեսում ՄՕԿ նստաշրջանում, հաղորդում է ԻՏԱՐ-ՏԱՍՍ-ը:
2020-ի խաղերի անցկացման հավակնորդներն են նաև Բաքուն և Դոհան: Սակայն նրանք չեն մտել ամփոփիչ ցուցակի մեջ` որոշված ՄՕԿ կողմից անցած տարվա մայիսին: