Երեքշաբթի օրը Իրանի իշխանությունները կողմ են հանդես եկել նախկին սենատոր Չակ Հեյգելի՝ որպես Պենտագոնի ղեկավարի, հաստատմանը: Նա հայտնի է Իրանի և Իսրայելի հետ հարաբերությունների վերաբերյալ ոչ միանշանակ հայտարարություններով, հաղորդում է «Ասոշիեյթիդ պրեսս» գործակալությունը՝ հղելով Իրանի ԱԳՆ-ին:

Իրանի ԱԳՆ ներկայացուցիչ Ռամին Մեհմանփարաստի խոսքով, Իրանը հուսով է, որ ԱՄՆ պաշտպանության նախարարի պաշտոնում Հեյգելի հաստատման դեպքում, երկու երկրների միջև հարաբերությունները կփոխվեն դեպի լավը:

Երկուշաբթի օրը ԱՄՆ նախագահ Բարաք Օբաման առաջարկել է Հեյգելի թեկնածությունը Պենտագոնի ղեկավարի պաշտոնում: