Ռուսաստանը ԱՄՆ երկարաժամկետ գործընկերն է մի շարք հարցերում և Վաշինգտոնը մտադիր է հետագայում ևս առավելագույնս համագործակցել Մոսկվայի հետ ինչպես երկկողմ, տարածաշրջանային հարցերում, ինչպիսին է Լեռնային Ղարաբաղի խնդիրը, այնպես էլ ավելի գլոբալ` Իրան, Աֆղանստան, Սիրիա: Այս մասին մամուլի ճեպազրույցի ընթացքում ընթացքում հայտարարել է ԱՄՆ Պետդեպարտամենտի պաշտոնական ներկայացուցիչ Վիկտորիա Նուլանդը:
«Սակայն մենք նաև առավելագույնս անկեղծ ենք լինելու այն հարցերի առնչությամբ, որոնք մեզ մոտ տարաձայնություններ են առաջացնում, ինչպիսիք են, օրինակ, մարդու իրավունքները, Ռուսաստանում ժողովրդավարության մակարդակը, երեխաների որդեգրման հարցը, սիրիական հակամարտությունը: Այսպիսով, պատրաստվում ենք հետագայում ևս շարժվել Ռուսաստանի հետ համագործակցելու ուղիով»,-հայտարարել է Նուլանդը: