ԱՄՆ-ի և Կանադայի Կինոքննադատների ասոցիացիան Բեն Աֆֆլեքին ճանաչել է 2012թ լավագույն ռեժիսոր
ԱՄՆ-ի և Կանադայի Կինոքննադատների ասոցիացիան «Արգո օպերացիան» ճանաչել է 2012թ լավագույն ֆիլմ, իսկ դրա ռեժիսոր Բեն Աֆֆլեքն արժանացել է լավագույն ռեժիսորի կոչմանը:
Լավագույն դերասանական աշխատանքի համար մրցանակի են արժանացել Ջեսիկա Չեսթեյնը և Դենիել Դեյ-Լյուիսը:
Երկրորդային պլանի տղամարդու լավագույն դերի համար մրցանակի է արժանացել Ֆիլիպպ Սեյմուր Հոֆֆմանը, իսկ երկրորդային պլանի կնոջ լավագույն դերի համար՝ Էնն Հեթուեյը: Լավագույն սցենարիստ է ճանաչվել Քվենթին Տարանտինոն, փոխանցում է ԻՏԱՐ-ՏԱՍՍ-ը:
Մրցանակաբաշխությունը տեղի է ունեցել հունվարի 10-ին Կալիֆորնիայում:
