Ֆուտբոլի պատմության ու վիճակագրության միջազգային ֆեդերացիան (IFFHS) հունվարի 12-ին ներկայացրել է ամենամեծ ժողովրդականությունը վայելող աշխարհի ֆուտբոլիստների վարկանիշը:
Եվրոպայում ամենամեծ ժողովրդականությունն է վայելում Հայաստանի հավաքականի ու Դոնեցկի «Շախտյորի» կիսապաշտպան Հենրիխ Մխիթարյանը: Նա ստացել է 35 063 միավոր:
Նրան են հաջորդում Էդին Ջեկոն (Բոսնիա և Հերցոգովինա), Միրոսլավ Կլոզեն (Գերմանիա), Բրանիսլավ Իվանովիչը (Սերբիա), Եվգենի Կոնոպլյանկան (Ուկրաինա), Կրիշտիանու Ռոնալդուն (Պորտուգալիա), Ֆրանչեսկո Տոտտին (Իտալիա) և Լորիկ Ցանան (Ալբանիա):