Չեխիայում հունվարի 12-ին ավարտվել են երկրի ղեկավար առաջին ուղղակի համազգային ընտրությունները: «Նախագահի ընտրությունների մասին» օրենքի համաձայն, Չեխիայում ընտրություններն անցկացվում են երկու օր ընտրողների հարմարության համար՝ ուրբաթ և շաբաթ օրերին: Չեխիայում ընտրատեղամասերը փակվել են, սկսվել է ձայների հաշվարկը: Ընտրություններին մասնակցում են 9 թեկնածու՝ Միլոշ Զեման, Յան Ֆիշեր, Վլադիմիր Ֆրանց, Կարել Շվարցենբերգ, Յիրժի Դինստբիր, Պշեմիսլ Սոբոտկա, Յանա Բոբոշիկովա, Տանա Ֆիշերովա և Զուզանա Ռոյտովա:

Չեխիայի նոր նախագահն առաջին անգամ ընտրվում է երկրի բոլոր քաղաքացիների կողմից հազմազգային քվեարկության ընթացքում: Ավելի վաղ երկրի ղեկավարն ընտրվում էր խորհրդարանի երկու պալատների ընդհանուր ժողովում: