ՀՀԿ պատգամավոր. Վրաստանը խուսափում է Ռուսաստանի հետ գործարքից, ինչն ազդում է նաև Հայաստանի վրա
Վրաստանի վարչապետի այցը, ըստ ԱԺ ՀՀԿ խմբակցության պատգամավոր Գագիկ Մինասյանի, նպաստավոր է նախ Հայաստանի համար։
«Մինչ օրս Վրաստանը զերծ էր մնում գործարքի մեջ մտնել Ռուսաստանի հետ, ինչն ազդում է նաև Հայաստանի հետ հարաբերությունների հետագա զարգացման վրա»,- այսօր լրագրողների հետ հանդիպման ժամանակ ասաց Գագիկ Մինասյանը։
Նա նկատեց, որ Վրաստանի նոր իշխանությունները որդեգրել են նոր քաղաքականություն և 180 աստիճանով փոխել են իրենց քաղաքական դիրքորոշումը, ինչը խոստումնալից է։ «Իվանիշվիլիի այցելությունը հնարավորություն կտա նոր ջանքեր գործադրելու հայ-վրացական հարաբերությունների զարգացման հարցում»,- ասաց ՀՀԿ պատգամավորը։
Ինչպես ավելի վաղ հայտնել էինք, Վրաստանի վարչապետ Բիձինա Իվանիշվիլին կայցելի Հայաստան վաղը՝ հունվարի 17-ին:
