Րաֆֆի Հովհաննիսյանի պայքարը ոչ Հրանտ Բագրատյանի դեմ է, ոչ էլ Բագրատյանի տեղի համար է: Այսօր լրագրողների հետ հանդիպման ժամանակ անդրադառնալով գալիք նախագահական ընտրություններում «Ազատություն» կուսակցության առաջնորդի հնարավորություններն, նման կարծիք հայտնեց «Ժառանգություն» կուսակցության գլխավոր քարտուղար Ստյոպա Սաֆարյանը: Նա նշեց, որ Հրանտ Բագրատյանը ընդդիմադիր հատված ներկայացնող թեկնածու է, չի կարող ընդդիմադիր թեկնածուին դնել մեկ այլ ընդդիմադիր թեկնածուի դեմ: «Առավելագույն օգուտը, որ նա կարող է շահել, ՀԱԿ-ի կազմաքանդվելուն զուգընթաց որոշ ընտրազանգված հավաքելն է: Հրանտ Բագրատյանը միայն կարող է հավակնել ազատական գաղափարներ դավանող ինչ-որ ընտրազանգվածի ձայներին»,- նկատեց Ստյոպա Սաֆարյանը: