eBay կորպորացիայի մաքուր շահույթը, որին պատկանում է աշխարհի խոշորագույն օնլայն աճուրդը, 2012-ին նվազել է մինչև 2.6 մլրդ դոլար` անցած տարվա համեմատ 19 տոկոսով, ասվում է ընկերության հաղորդագրությունում: Հաշվետու շրջանում ընկերության հասույթն աճել է 21 տոկոսով` մինչև 14 մլրդ դոլար:

«Մենք հիանալի ավարտել ենք տարին չորրորդ եռամսյակի արդյունքներով, որոնք գերազանցել են մեր սպասումները: Չորրորդ եռամսյակը հատկապես հաջող էր eBay աճուրդի համար` ԱՄՆ շուկայում կայուն աճով»,- ասել է eBay-ի գլխավոր տնօրեն Ջոն Դոնահյուն:

2012-ի տվյալներով PayPal համակարգով վճարումների ծավալը հասել է գրեթե 14 մլրդ դոլարի, ինչը գրեթե երեք ու կես անգամ գերազանցում է անցած տարվա արդյունքը: