Matchworld Cup 2013 միջազգային մրցաշարի շրջանակներում եգիպտական «Զամալեկի» նկատմամբ տարած հաղթանակից հետո Դոնեցկի «Շախտյորի» կիսպաշտպան Հենրիխ Մխիթարյանը խոստովանել է, որ թիմը բարդ շրջան է ապրում, քանի որ հսկայական ուշադրություն է հատկացնում ֆիզիկական պատրաստվածությանը:
«Հանդիպման երկրորդ խաղակեսում թիմն ավելի լավ տեսք ուներ` ավելի դինամիկ էր, բոլորը լավ էին շարժվում: Մենք դարպասը գրավելու շատ պահեր ունեցանք, բայց կարծում եմ, որ հիմա ամենակարևորը պատրաստվելն է»,- Մխիթարյանի խոսքերը հաղորդում է ակումբի պաշտոնական կայքը:
Մխիթարյանը, ով հաղթական գոլի հեղինակ է դարձել 89-րդ րոպեին, նշել է, որ նա նպատակ չունի դառնալ մրցաշարի լավագույն ռմբարկուն. «Մեր խնդիրն է ֆիզիկապես, տեխնիկապես և հոգեբանորեն լավ պատրաստվել «Բորուսիայի» հետ խաղին»: