«Հրապարակ». Հայ ջազմենները հիացրել են Վրաստանի վարչապետին. Նա հետաձգել է մեկնումը
Պաշտոնական այցով Հայաստան ժամանած Վրաստանի վարչապետ Բիձինա Իվանիշվիլին երեկ հանդիպումներ է ունեցել ՀՀ նախագահի, վարչապետի հետ, այցելել Ծիծեռնակաբերդի հուշահամալիր: «Հրապարակը» օրաթերթը գրում է, որ երեկոյան վարչապետ Տիգրան Սարգսյանի հետ Իվանիշվիլին այցելել է ջազ-ակումբ` լսելու հայ ջազմեններին:
«Նրան այնքան է հիացրել վերջիններիս կատարումը, այնտեղ տիրող մթնոլորտը, որ իր մեկնումն առժամանակ հետաձգել և Թբիլիսի է մեկնել ավելի ուշ»,-գրում է թերթը:
