Այսօր Կենտրոնական ընտրական հանձնաժողովը մերժեց ՀՀ նախագահի թեկնածու Անդրիաս Ղուկասյանի դիմումը, որով պահանջում էր անվավեր ճանաչել հանձնաժողովի որոշումը, ըստ որի ՀՀԿ առաջնորդ, գործող նախագահ Սերժ Սարգսյանը գրանցվել է որպես նախագահի թեկնածու:
ԿԸՀ նախագահ Տիգրան Մուկուչյանը նիստի ժամանակ նշեց, որ վարչական մարմինները պետք է պահպանեն բոլոր օրենքներրը և վարչարարության սկզբունքները, նրանք իրավասու են կատարել այն գործառույթները, որոնք ամրագրված են Սահմանադրությամբ:
«Դիմումն անհիմն է և կարող է դառնալ նախադեպ»,- հայտարարեց Տիգրան Մուկուչյանը:
Անդրիաս Ղուկասյանն այսօր ԿԸՀ նիստից հետո լրագրողների հետ ճեպազրույցում հայտարարեց, որ հունվարի 21-ից սկսելու է անժամկետ հացադուլ: Ղուկասյանը հացադուլը կդադարեցնի միայն այն ժամանակ, երբ ԿԸՀ-ն բավարարի իր պահանջը և երբ միջազգային դիտորդները հեռանան Հայաստանից: