Մոտ օրերս նախատեսվում է Վրաստանի, Թուրքիայի եւ Ադրբեջանի նախագահների հանդիպումը Բաքու-Թբիլիսի-Էրզրում գազամուղի շինարարության հարցերի քննարկման նպատակով: Այդ մասին հայտարարել է Վրաստանի նախագահ Էդուարդ Շեւարդնաձեն` նշելով, որ հանդիպման մանրամասները կճշտվեն այսօր երեկոյան: Ինչպես հաղորդում է «Մեդիամաքս» գործակալությունը, միջկառավարական պայմանագրով, ադրբեջանական «Շահ-Դենիզ» հանքավայրից բնական գազը Թուրքիա պետք է հասնի 2005թ. սկզբին: Առաջին փուլում Բաքու-Թբիլիսի-Էրզրում գազամուղով տարեկան պետք է փոխադրվի 2 մլրդ խորանարդ մետր գազ, իսկ 2008թ-ից այդ ցուցանիշը կհասնի մինչեւ 6,6 մլրդ: