Արման Մելիքյանը հրաժարվում է սկսել քարոզարշավը
Քանի դեռ լուծված չէ ընտրությունների օրինականության և իրավաչափության խնդիրը, ՀՀ Նախագահի թեկնածու Արման Մելիքյանը և իր թիմը չեն սկսի քարոզարշավը:
«Վերջին ընտրությունները ցույց տվեցին, որ այս առումով իրավիճակը չի փոխվել: Մենք չենք ուզում խաբել և մասնակցել քարոզարշավին, դա կլինի հերթական կեղծարարության կրկնությունը: Պետք է վերջապես հրաժարվենք ստից և կեղծիքից և թույլ տանք, որ ժողովուրդը իշխանություն ձևավորի»,- այսօր լրագրողների հետ հանդիպման ժամանակ ասաց Արման Մելիքյանը: Նա նշեց, որ պետք է ժողովրդին դուրս բերել հուսալքության և բարոյալքության վիճակից: Նա նաև նկատեց, որ Հայաստանում արդարադատության համակարգը մեռած է:
