Ադրբեջանի հանրապետության նախարարների կաբինետի` օդային տարածքի օգտագործման մասին օրեր առաջ ընդունած օրենքով Ադրբեջանը հայտարարեց, որ կհարվածի նույնիսկ Ստեփանակերտի օդանավակայանից թռչող քաղաքացիական ինքնաթիռներին: Այս մասին այսօր ասուլիսի ժամանակ նշեց միջազգային իրավունքի փորձագետ Սարգիս Ասատրյանը:«Նույնիսկ ռազմական գործողությունների ժամանակ քաղաքացիական ինքնաթիռներ չեն կործանում: Դա ռազմական հանցագործություն է: Զարմանալի է միջազգային կառույնցերի ոչ ադեկվատ արձագանքը: Ադրբեջանի մեծ փողերն ու ակտիվ դիվանագիտությունն անում են իրենց գործը», - ասաց նա:
Փորձագետի խոսքով` պոպուլիստական հայտարարություններից հետո, Ադրբեջանն այս օրենքով անցավ գործնական քայլերի, որին պետք է կտրուկ արձագանք լիներ միջազգային կառույցների կողմից: Չեղավ, իսկ մենք էլ չենք փորձում աղմուկ բարձրացնել:
