Սկանդալ է ծագել ԱՄՆ նախագահ Բարաք Օբամայի երդմնակալության ժամանակ երգչուհի Բեյոնսեի կատարման շուրջ: Երգչուհին կատարել է ԱՄՆ օրհներգը: Բեյոնսեին մեղադրել են ֆոնոգրամայի տակ երգելու մեջ, գրում է Washington Post-ը:
Լրագրողները վիճում են, թե իրոք Բեյոնսեն կենդանի կատարմամբ է հանդես եկել ԱՄՆ նախագահի երդմնակալության ժամանակ: Ոմանք պնդում են, թե համերգի տեսագրության մեջ հստակ երևում է, որ հնչող երաշտությունը չի համապատասխանում նրա շուրթերի շարժմանը:
Հունվարի 22-ին ծովային հետևակի նվագախմբի ղեկավարը, որը նվագակցում էր երգչուհուն, բացահայտ հայտարարեց, որ իր երաժիշտները հանդես են եկել ֆոնոգրամայի ուղեկցությամբ: Սակայն, նա դժվարացել է ասել արդյոք Բեյոնսեի կատարումը նախապես էր ձայնագրվել, թե կենդանի էր: Նա չի կարողացել նաև ասել միացած է եղել արդյոք Բեյոնսեի բարձրախոսը: