Ոստիկանությունը խորհուրդ է տալիս Քաշմիրի բնակիչներին սնունդ կուտակել և ռումբերից պաշտպանվելու պահեստարաններ կառուցել: Տեղի պարբերականում պաշտոնական խորհուրդներ են հայտնվել, թե ինչպես ողջ մնալ ատոմային պայթյունից հետո, փոխանցում է Russia Today-ը` հղելով «Նոր Քաշմիր» պարբերականին:
«Եթե հարվածային ալիքը չեք զգացել պայթյունից 5 վայրկյան անց, ապա էպիկենտրոնից անվտանգ հեռավորության վրա եք գտնվում»,-ասվում է պարբերականում:
Հնդկական ոստիկանությունը հաղորդել է, որ հրապարակումը պարբերականը տարածել է բնակչության տեղեկացվածությունը բարձրացնելու նպատակով և այն նվիրված է երկրի Քաղպաշտպանության նախարարության հոբելյանին: