Նավթի համաշխարհային գները հինգշաբթի օրը ցուցադրում են խառը դինամիկա ԱՄՆ-ում հումքի պաշարների վերաբերյալ վիճակագրության և Չինաստանի արդյունաբերության գործնական ակտիվության վերաբերյալ տվյալների ֆոնին, վկայում են սակարկությունների տվյալները:

Brent Crude Oil տեսակի հյուսիսծովյան նավթային խառնուրդի մարտյան ֆյուչերսների արժեքը նվազել է 0.05 դոլարով կամ 0.04 տոկոսով` մինչև մեկ բարելի համար 110.61 դոլար: WTI տեսակի մարտյան ֆյուչերսների արժեքն աճել է 0,29 դոլարով կամ 0,3 տոկոսով` մինչև մեկ բարելի համար 96,24 դոլար:

Էներգետիկայի նախարարությունը հունվարի 24-ին կհրապարակի պաշտոնական վիճակագրություն նավթի պաշարների վերաբերյալ: Վերլուծաբաններն ակնկալում են 2,2 մլն բարելով աճ, հաղորդում է ՊՐԱՅՄ գործակալությունը: