Հայաստանի Հանրապետության տրանսպորտի և կապի նախարարությունից հայտնում են, որ այսօր՝ 09.30-ի դրությամբ, հանրապետության որոշ շրջաններում՝ Վայքում և Ջերմուկում տեղում է ձյուն: Սելիմի լեռնանցքում և Գորիսի ավտոճանապարհներին տեղ-տեղ մերկասառույց է:
Միջպետական, հանրապետական նշանակության բոլոր ավտոճանապարհներն ու լեռնանցքները բաց են: Անվտանգ երթևեկությունն ապահովելու նպատակով ավտոճանապարհներին իրականացվում են մաքրման, աղով ու ավազով մշակման աշխատանքներ:
ՀՀ տրանսպորտի և կապի նախարարությունը վարորդներին խորհուրդ է տալիս երթևեկել ձմեռային անվադողերով: