Փետրվարի 13-ին Լեռնային Ղարաբաղի եւ Ադրբեջանի զինված ուժերի շփման գծի հյուսիս-արեւելյան ուղղությամբ մարտական հերթապահության մեջ գտնվող ղարաբաղցի զինծառայողները գերի են վերցրել ադրբեջանցի հետախույզի, որը փորձում էր խախտել ԼՂՀ պաշտպանական գիծը: Ինչպես հաղորդում է «Մեդիամաքս» գործակալությունը, գերված հետախույզը տեղափոխվել է ԼՂՀ մայրաքաղաք Ստեփանակերտ, որտեղ հանրապետության իրավապահ մարմինները նրա հետ քննչական միջոցառումներ են իրականացնում: Ընդունված կարգի համաձայն, կատարվածի մասին ժամանակին տեղեկացվել են ԼՂՀ-ում հավատարմագրված ԵԱՀԿ եւ Կարմիր խաչի միջազգային կոմիտեի ներկայացուցչություններրը: