Բանակ ասելով, ՀԱԿ անդամ Գուրգեն Եղիազարյանը նախ պատկերացնում է «մեր երեխաներին»: «Ինչպիսի կարծիք էլ ունենամ այսօրվա իշխանությունների մասին, շատ եմ քննադատել պաշտպանության նախարարին, բայց երբ նայում ես այս իշխանություններին, Սեյրան Օհանյանը հաստատ վատագույնների շարքում չէ»,- այսօր լրագրողների հետ հանդիպման ժամանակ ասաց Գուրգեն Եղիազարյանը:

ՀԱԿ անդամը շնորհավորեց հայկական բանակի օրը և բանակին մաղթեց անամպ երկինք: «Մեր երեխաները պատերազմի բովի մեջ չմտնեն: Ցանկանում եմ, որ այդ սպանությունները գոնե ձգտեն հասցնել զրոյի: Որ մեր միջին հրամկազմի հետ լրջագույնս զբաղվեն: Եթե նրանք մարդասեր և գրագետ լինեն, այս սպանությունները կնվազեն»,- ասաց նա: Գուրգեն Եղիազարյանը մաղթեց, որ մեր բանակը ամեն օր հզորանա: