Ֆրանսիայում ձերբակալել են «թուլուզցի հրաձիգի» ենթադրյալ մեղսակիցներին
Ֆրանսիայի ոստիկանությունը ձերբակալել է «թուլուզցի հրաձիգ» Մոհամմեդ Մերայի ենթադրյալ մեղսակիցներին, որն անցած տարվա մարտին յոթ մարդ սպանեց և հետո սպանվեց ոստիկանների կողմից, հայտնում է ВВС-ին:
Ըստ տեղական իշխանությունների, երկու տղամարդ է ձերբակալվել Թուլուզում, նրանց կտեղափոխեն Փարիզ հարցաքննության համար:
Քննիչները գտնում են, որ Մերան միայնակ չի գործել:
Նախորդ տարվա մարտին 24-ամյա Մոհամմեդ Մերան գնդակահարեց երեք զինվորների, ինչպես նաև Թուլուզի հրեական դպրոցի մի քանի աշակերտների: Գործով մի քանի ձերբակալվածներ կան, այդ թվում նրա ավագ եղբայրը:
