5 օգոստոսի 2005 - 09:17 AMT
ՀԱՅԿԱԿԱՆ «ՄԱԿԲԵԹԸ» ԼԵՀԱԿԱՆ ԲԵՄՈՒՄ
Հրաչյա Ղափլանյանի անվան Երեւանի դրամատիկական թատրոնը կմասնակցի Լեհաստանում կայանալիք Շեքսպիրի միջազգային թատերական փառատոնին, որը տեղի կունենա օգոստոսի 6-13 Գդանսկում եւ Գդինյայում, հաղորդում է Gazeta Wyborcza: Օգոստոսի 6-ին փառատոնը կբացվի Լոդզի «Նոր թատրոնի» «Սխալների կատակերգություն» ներկայացմամբ: Հայ դերասանների արվեստը լեհ թատերասերները կկարողանան գնահատել օգոստոսի 8 եւ 9: Երեւանի դրմատիկական թատրոնը հանդիսատեսի դատին կներկայցնի Շեքսպիրի «Մակբեթը», ռեժիսոր Արմեն Խանդիկյանի բեմականացմամբ: Նշենք, որ նույն «Մակբեթ» պիեսով հանդես կգան թատերական խմբեր Գերմանիայից եւ Ուկրաինայից: Ընդհանուր առմամբ փառատոնին կմասնակցեն Իսրայելի, Ուկրաինայի, Հունգարիայի, Իտալիայի, Բելառուսի եւ այլ երկրների թատրոններ: