Հայաստանի բռնցքամարտի հավաքականի առաջին լուրջ ստուգատեսը կհանդիսանա Եվրոպայի առաջնությունը, որը կկայանա Մինսկում, մայիսի 31-ից հունիս 10-ը:
Ինչպես տեղեկացնում է Հայաստանի բռնցքամարտի ֆեդերացիայից, մինչ այդ ապրիլի 16-21-ը թիմը կմեկնի Լեհաստանում անցկացվող միջազգային մրցաշարին:
Հոկտեմբերի 4-20-ն Ալմաթայում կկայանա բռնցքամարտի աշխարհի առաջնությունը: Հավաքականը նաև մրցապայքարի դուրս կգա նոյեմբերին «Օլիմպիական հույսեր 19-22» Եվրոպայի առաջնությանը, որով էլ կեզրափակի տարին:
Ընդհանուր առմամբ այս տարվա ընթացքում հավաքականը մոտ 9 ուսումնամարզական հավաք կանցկացնի, ինչպես նաև` երկու միջազգային մրցաշար: