Արդշինինվեստբանկը սույն թվականի փետրվարի 11-ից մեկնարկում է ՀՀ կառավարության կողմից պետական մի շարք կազմակերպությունների աշխատակիցներին հատկացվող սոցիալական փաթեթի հաշիվների սպասարկումը, ասվում է PanARMENIAN.Net-ի ստացած բանկի հաղորդագրության մեջ:
Բանկը հանդես է գալիս որպես այս կարևոր նախաձեռնության մասնակից և ծրագրի ազդեցությունը մեծացնելու նպատակով մատչելի տոկոսադրույքով կտրամադրի սոցիալական փաթեթի գումարի մինչև հնգապատիկի չափով վարկեր` բացառապես այս փաթեթով նախատեսված ծառայությունների դիմաց վճարման համար:
Այդ հնարավորությունը շահառուներին թույլ կտա անկաշկանդ և իրենց համար հարմար պահին իրականացնել նպատակային վճարումներ` ուղղելով դրանք առողջության ապահովագրությանը, ուսմանը, հանգստին, կամ հիփոթեքային վարկի մարմանը:
Ծառայությունը հասանելի կլինի Արդշինինվեստբանկի ՀՀ տարծքում գործող բոլոր 49 մասնաճյուղերում:
