ՀՀ առողջապահության նախարար Դերենիկ Դումանյանը այցելեց ՀՀ նախագահի թեկնածու Անդրիաս Ղուկասյանին, ով արդեն 19 օր գտնվում է հացադուլի մեջ: Նախարարը Ղուկասյանին առաջարկեց գնալ որևէ հիվանդանոց և ստուգվել՝ պարզելու, արդյոք հացադուլի ընթացքում որևէ առողջական խնդիրներ չեն առաջացել: Անդրիաս Ղուկասյանը շնորհակալություն հայտնեց այցի համար և ասաց, որ մինչև օրվա վերջ կպատասխանի: