Չեխիայի հետ աշխարհի առաջնության ընտրական խաղը կկայանա մարտի 26-ին Վազգեն Սարգսյանի անվան Հանրապետական ստադիոնում:
Հայաստանի հավաքականի գլխավոր մարզիչ Վարդան Մինասյանն ասել է, որ իրենք նախ պետք է հասկանան, թե ինչ մարտավարությամբ է խաղալու Չեխիայի հավաքականը:
« Ինձ համար հետաքրքիր էր, որ Թուրքիայի հավաքականի հետ ընկերական խաղում բացակայում էին նրանց մի քանի առանցքային խաղացողներ: Մենք պետք է լավ ուսումնասիրենք մրցակցին և հասկանանք՝ արդյոք մարզիչն ուղղակի փորձարկումներ էր կատարում, թե հնարավոր է, որ մեր դեմ թիմը խաղա մի փոքր փոփոխված կազմով: Հատկապես հարձակման գծում, կային խաղացողներ, որոնց անուններն ինձ ծանոթ չէին»,- Մինասյանի խոսքերը մեջբերում է ՀՖՖ պաշտոնական կայքը:
Հայաստանի հավաքականի ծրագրերի հետ կապված Մինասյանն ասել է, որ այս անգամ որոշել են հավաքն սկսել մարտի 19-ին, իսկ մարտի 21-ին ստուգողական հանդիպում կանցկացնենլ երիտասարդական հավաքականի հետ և կփորձեն վերջնականորեն կողմնորոշվել կազմի հարցում:
