Երևանի նոր քաղաքապետի ընտրությունը կանցկացվի մայիսին
Մայիuի 5-ին նշանակվելու է Երևանի ավագանու հերթական ընտրությունը, որին կհաջորդի քաղաքապետի ընտրությունը: Երևանի ավագանու ընտրությունները կազմակերպելու որոշման նախագիծն ընդգրկված է ՀՀ կառավարության փետրվարի 14-ի նիստի օրակարգում:
ՀՀ կառավարության որոշման նախագծի ընդունումը պայմանավորված է «Երևան քաղաքում տեղական ինքնակառավարման մասին» ՀՀ օրենքով սահմանված Երևանի ավագանու լիազորությունների ժամկետի ավարտով: Երևանի քաղաքապետին ընտրելու է ավագանին:
«Երևան քաղաքում տեղական ինքնակառավարման մասին» ՀՀ օրենքի համաձայն` ավագանին կազմված է 65 անդամից, որն ընտրվում է չորս տարի ժամկետով:
