ՀՀԿ փոխնախագահ Գալուստ Սահակյանը կարծում է, որ այս քարոզարշավը շատ արդյունավետ էր, բոլոր թեկնածուները կարողացան իրացնել իրենց ծրագրերը: Այսօր լրագրողների հետ ճեպազրույցում ՀՀԿ փոխնախագահն ասաց, որ այս ընտրություններն անկախ Հայաստանի ամենատրամաբանական, հանգիստ ու խաղաղ ընտրություններն են լինելու: «Նոր մոդելների ձևավորման ժամանակաշրջանն է»,- նկատեց Գալուստ Սահակյանը:
Հարցին, թե ընտրություններից հետո սպասելի՞ են պարտված թեկնածուների դժգոհություն և բողոքի ակցիաներ, Գալուստ Սահակայանը պատասխանեց. «Չեմ կարծում մեծ բողոքի ալիք կլինի, ինչ-որ լինի արհեստական է լինելու»:
ՀՀ նախագահի ընտրություններում ՀՀԿ թեկնածուն գործող նախագահ Սերժ Սարգսյանն է: Այսօր մարզահամերգային համալիրում տեղի ունեցավ թեկնածուի ամփոփիչ հանդիպումը: