ՀՀ նախագահի թեկնածու Վարդան Սեդրակյանը քարոզարշավի 25 օրերը շատ հակիրճ ամփոփել է ֆեյսբուքյան իր էջում: Թեկնածուն գրել է. «Հունվարի 21-ից առ այսօր ՀՀԿ-ի և «Ժառանգության» թեկնածուները պայքարել են իմ դեմ: Փետրվարի 21-ից նրանք կպայքարեն իրար դեմ: Չմոռանանք, որ «Ժառանգության թեկնածուն» հայտարարել է, որ մեկ անգամ է մասնակցելու նախագահական ընտրություններին: Իսկ դա նշանակում է, որ մասոնները անպայման տապալելու են Սերժ Սարգսյանին: Օձի տարի է, իսկ օձերը առաջինը խայթում են իրենց տաքացնողներին: Առաջիկայում մեզ սպասում են «հետաքրքիր» զարգացումներ»:

Ավելացնենք, որ Վարդան Սեդրակյանը քարոզարշավը պատրաստվում էր ամփոփել այսօր, մամուլի ասուլիսի ժամանակ, սակայն թեկնածուն վատառողջ է և չկարողացավ ներկայանալ ասուլիսին: