Ավետիք Իշխանյան. Սերժ Սարգսյանի վստահված անձինք ունեն արտոնություններ
Այսօր Մեդիա կենտրոնում իրավապաշտպան Ավետիք Իշխանյանը ներկայացրել է դիտորդների կողմից ՀՀ նախագահական ընտրությունում արձանագրված խախտումների դեպքերը:
Նա նշել է, որ իրենց կազմակերպությունը Աջափնյակ համայնքում գտնվող 6-րդ ընտրատեղամասում է կատարում դիտորդական առաքելություն:
«Հիմնական դիտարկումները վերաբերում են մարդկանց կուտակումներին, կրկնակի լցոնումների դեպքերին և ընտրակաշառք բաժանելուն: Չնայած, ի տարբերություն նախորդ խորհրադարանական և նախագահական ընտրությունների, այս տարի համեմատաբար խաղաղ է»,- ասել է Իշխանյանը:
Նա ընդգծել է, որ գերակշռել են հիմանակում Սերժ Սարգսյանի վստահված անձինք, և որ նրանք ունեն արտոնություններ:
