Գիրք նվիրելու օրվա առթիվ առաջին հայկական ինտերակտիվ հեքիաթի` Ղ.Աղայանի «Անահիտի» հեղինակներն առաջարկում են հավելվածի անվճար տարբերակը:
PanARMENIAN.Net-ի թղթակցի հետ զրույցում ծրագրավորող Վահրամ Գևորգյանն ասաց.«Անվճար տարբերակում հասանելի են հեքիաթի երեք լեզուներն էլ, նաև մյուս բոլոր ֆունկցիաները: Սահմանափակումն այն է, որ մատի մեկ հպումով հերոսները շարժվում, գործողություն են կատարում միայն առաջին էջում, մյուս էջերում նույնն անելու համար արդեն պետք է վճարել»:
Վահրամ Գևորգյանի խոսքով՝ հավելվածի անվճար տարբերակը ստեղծվել է նրանց համար, ովքեր հնարավորություն չունեն այն գնելու, կամ պարզապես սովորություն` առհասարակ հավելվածներ գնելու: