«Կուբանը» 2:0 հաշվով հաղթել է ռումինական «Վասլուին»
Կրասնոդարի «Կուբանը» թուրքական Բելեկում ընթացող հավաքում ստուգողական խաղ է անցկացրել Ռումինիայի «Վասլուի» հետ և հաղթել է 2:0 հաշվով: «Կուբանի» կազմում աչքի է ընկել Հայաստանի հավաքականի կիսապաշտպան Արաս Օզբիլիսը, որը բացել է հաշիվը գերազանց իրացված տուգանային հարվածով:
Երկրորդ գոլի հեղինակ է դարձել «Կուբանի» ավագ Վլադիսլավ Կուլիկը:
Փետրվարի 23-ին «Կուբանը» կխաղա Դոնեցկի «Մետալուրգի» հետ, որտեղ հանդես են գալիս Գևորգ Ղազարյանն ու Կառլեն Մկրտչյանը:
