Կարասին-Աբաշիձե հաջորդ հանդիպումը տեղի կունենա մայիսին
ՌԴ ԱԳ փոխնախարար Գրիգորի Կարասինը հայտնել է, որ հերթական հանդիպումը Վրաստանի վարչապետի ՌԴ գծով հատուկ ներկայացուցիչ Զուրաբ Աբաշիձեի հետ տեղի կունենա մայիսի վերջում:
«Կողմերը բավարարված են արդյունքներով, գտնում են, որ մեր ոչ պաշտոնական շփումները ունեն ապագա: Մենք պայմանավորվեցինք հաջորդ հանդիպումն անցկացնել մայիսին, վայրը ավելի ուշ կընտրենք, գուցե և դա լինի Պրահան»,-ասել է Կարասինը հանդիպման ավարտին:
Ռուսաստանի և Վրաստանի հատուկ ներկայացուցիչների առաջին հանդիպումը տեղի ունեցավ Ժնևում անցյալ տարվա դեկտեմբերի 14-ին:
ՌԴ և Վրաստանը խզել են հարաբերությունները 2008թ., երբ Մոսկվան ճանաչեց Աբխազիայի ու Հարավային Օսեթիայի անկախությունը:
