Ղազախստանում տեղի ունեցած միջուկային բանակցություններում «վեցնյակի» առաջարկներն առավել տրամաբանական էին, քան մինչ այդ: Այդ մասին այսօր մամլո ասուլիսում հայտարարել է Իրանի ԱԳՆ պաշտոնական ներկայացուցիչ Ռամին Մեհմանփարաստը: Ըստ նրա, այս փուլում միանգամայն այլ մթնոլորտ էր տիրում, հայտնում է FarsNews-ը:
«Սակայն, երկու կողմերը պետք է քայլեր անեն փոխըմբռնման հասնելու համար: Հուսով եմ, Ստամբուլում հնարավոր կլինի համաձայնության գալ»,-ասել է նա: