Հայ ազգային կոնգրեսը դեռ չի քննարկել Երևանի ավագանու ընտրություններին մասնակցության հարցը: ԱԺ ՀԱԿ խմբակցության ղեկավար Լևոն Զուրաբյանը PanARMENIAN.Net-ի թղթակցի հետ զրույցում ասաց, որ «ինչ-որ պահի կքննարկեն»:
Ավելացնենք, որ ԿԸՀ վերահսկիչ-վերստուգիչ ծառայությունում սահմանված ժամկետում աուդիտոր Հայ ազգային կոնգրես խմբակցության կողմից չի նշանակվել: Աուդիտորներ են նշանակվել ՀՀ Ազգային ժողովի «Բարգավաճ Հայաստան», «Ժառանգություն», «Հայ Յեղափոխական Դաշնակցություն», «Օրինաց երկիր» և «Հանրապետական» խմբակցությունների կողմից:
Հայաստանի Հանրապետության ընտրական օրենսգրքի համաձայն` Երևանի ավագանու ընտրություններին մասնակցող կուսակցությունների, կուսակցությունների դաշինքների նախընտրական հիմնադրամներ կատարվող մուծումների, դրանց հաշվարկման և ծախսերի նկատմամբ վերահսկողություն իրականացնելու նպատակով ընտրությունները նշանակվելուց հետո` տասնօրյա ժամկետում, Ազգային ժողովի յուրաքանչյուր խմբակցություն ՀՀ ԿԸՀ վերահսկիչ-վերստուգիչ ծառայությունում նշանակում է Հայաստանի Հանրապետությունում աուդիտորի որակավորում uտացած ընտրական իրավունք ունեցող մեկ աուդիտորի:
