ԱՄՆ Միջազգային զարգացման գործակալության Ձեռնարկությունների ու շուկայի մրցունակության զարգացման ծրագիրն (EDMC/USAID) ուղղված է փոքր և միջին ձեռնարկությունների (ՓՄՁ) զարգացմանը, զբաղվածության աճի խթանման, արտահանման ծավալների և եկամուտների ավելացման միջոցով:
Այդ տեսակետից կարևորվում է Հայաստանի զբոսաշրջության ոլորտում մասնագետների հնարավորությունների ավելացումը, հաշվի առնելով, որ այդ ոլորտում աշխատողների 80 տոկոսը կանայք են: Այդ մասին մարտի 6-ին Երևանում կայացած մամլո ասուլիսում ասել է EDMC/USAID ծրագրի ղեկավար Բրունո Կորնելիոն:
Ըստ նրա, ուստի կանանց համար հատկապես զբոսաշրջության ոլորտը հնարավորություն է ընձեռում շարքային աշխատակցի պաշտոնից աճելու և դառնալու սեփականատեր:
EDMC-ն այս տարի Caucasus Travel Show, CTS-ի գլխավոր գործընկերն էր: Ցուցահանդեսը, որը մարտի առաջին օրերին անցավ Երևանում, հավաքել էր զբոսաշրջության ոլորտի 75 կազմակերպությունների ներկայացուցիչների աշխարհի տարբեր երկրներից: