ԵԱՀԿ Մինսկի խմբի համանախագահները Հայաստան և Լեռնային Ղարաբաղում կայցելեն մարտին: Այսօր լրագրողների հետ հանդիպման ժամանակ Հայաստանի Հանրապետության արտաքին գործերի նախարար Էդվարդ Նալբանդյանը տեղեկացրեց, որ եռանախագահների այցը կլինի մարտի 4-րդ շաբաթվա ընթացքում:
Հիշեցնենք, որ մարտի 3-ին Հայաստանի արտգործնախարար Էդվարդ Նալբանդյանը Փարիզում հանդիպել էր ԵԱՀԿ Մինսկի խմբի համանախագահներ Իգոր Պոպովի, Ժակ Ֆորի, Յան Կելլիի, ինչպես նաև ԵԱՀԿ գործող նախագահի անձնական ներկայացուցիչ Անջեյ Կասպրչիկի հետ: Քննարկվել են արցախյան հիմնախնդրի կարգավորման գործընթացին առչնվող հարցեր: Անդրադարձ էր կատարվել վստահության ամրապնդմանն ուղղված միջոցների վերաբերյալ, եռանախագահների կողմից, նախորդ հանդիպման ընթացքում արված առաջարկին:
Պայմանավորվածություն էր ձեռք բերվել համանախագահների` առաջիկայում տարածաշրջան կատարելիք այցի շուրջ:
