7 մարտի 2013 - 19:48 AMT
Հովիկ Աբրահամյանը շնորհավորել է կանանց մարտի 8-ը

ՀՀ Ազգային ժողովի նախագահ Հովիկ Աբրահամյանը շնորհավորական ուղերձ է հղել կանանց մարտի 8-ի առթիվ.

Նա ասել է, որ կանայք իրենց ընտանիքների հիմնասյունն ու պահապանն են, գեղեցիկի կրողն ու փոխանցողը: «Ձեր ավանդը անչափելի է նաև հասարակական-քաղաքական կյանքում, սերունդների դաստիարակության ու ազգապահպանության գործում: Ձեր մեծ առաքելությունը դուք ինքնանվիրումով ու արժանապատվությամբ եք կատարում»,- նշված է Աբրահամյանի շնորհավորական ուղերձում:

Նա խոստովանել է, որ կանանց շնորհիվ ընտանիքը շարունակում է մնալ մոլորակի ամենաջերմ ու հաճելի անկյունը, իսկ աշխարհը դառնում ավելի ներդաշնակ, բարի ու հանդուրժող: «Մաղթում եմ ձեզ երջանկություն, բարեկեցություն, բարձր տրամադրություն ու հավատ: Թող սերն ու հոգեկան անդորրը լինեն ձեր կյանքի մշտական ուղեկիցները»: